​Latifi: Po fillon puna konkrete për krijimin e Qendrës së Traumës dhe Emergjencës

Ministri i Shëndetësisë, Rifat Latifi, ka takuar ekspertin me renome botërore, Ruben Peralta, me të cilin biseduan për zhvillimin e sistemit shëndetësor në Kosovë.

Latifi, tha se është shumë i lumtur që po fillon puna konkrete për realizimin e njërës prej objektivave kryesore për transformimin e sistemit shëndetësor në Republikën e Kosovës.

Ai theksoi se me ekspertin me renome botërore, Perlata, është biseduar ecurin e tij të angazhimit për të ndihmuar MSh në kryerjen e vlerësimit të nevojave për krijimin e Qendrës së Traumës dhe Emergjencës.

Krijimi i Qendrës së Traumës dhe Emergjencës, është njëra ndër shtatë shtyllat e prezantuara tashmë të ministrit Latifi, për transformimin e shëndetësisë së Kosovës.

Ndërkaq, Ruben Peralta, tha se ndihet shumë i privigjuar, që i është dhënë mundësia, për të ndihmuar dhe angazhuar në përmirësimin e sistemit shëndetësor të Kosovës.