LeBron e Giannis i japin fitoren ekipeve të tyre, 3 ndeshje shtyhen prej pandemisë
Falë “triple double” të Giannis Antetokounmpos, 22 pikë, 10 rebound e 10 asist, skuadra e Milwaukeet mundi 110-101 Detroitin në fushën e këtij të fundit. Ndeshje me rivalitet, ku për Bucksin u dallua edhe Holiday me 21 pikë.
Pa probleme fiton ekipi i Lakersit, që mundi 128-99 Oklahoman, ndeshje e dominuar nga miqtë. Jamesi realizoi 26 pikë, ndërsa Harrelli 21, një dyshe që bëri diferencën në parket.
Pas një loje spektakolare, me plot 258 pikë në total, skuadra e Portlandit mundi 132- 126 Sacramenton, me Lillardin autor i 40 pikëve.
Fiton edhe Dallasi, 104-93 në fushën e Charlotte (Boncic 34 pikë e 14 rebound), ndërsa Brooklyni, falë 26 pikëve të Durantit, fitoi 116-109 derbin me New York-un.
Edhe sot, 3 ndeshje të NBA-së u shtynë si pasojë e pandemisë Covid-19.
NBA – Rezultatet e sotme
Charlotte – Dallas, 93-104
Detroit – Milwaukee, 101-110
Washington – Utah Jazz, e shtyrë
Boston – Orlando, e shtyrë
New York – Brooklyn, 109-116
Minnesota – Memphis, 107-118
Oklahoma – Lakers, 99-128
Phoenix – Atlanta, e shtyrë
Clippers – New Orleans, 111-106
Sacramento – Portland, 126-132