Lojtarët e Marokut së bashku me nënat priten nga Mbreti Mohammed VI, pas suksesit të tyre në Kupën e Botës

Dhjetëra mijëra marokenë u mblodhën në kryeqytet të martën për të mirëpritur në shtëpi ekipin e tyre kombëtar të futbollit, skuadrën e parë arabe ose afrikane që arrin ndonjëherë në gjysmëfinalen e një Kupe Botërore.

Ekipi dhe trajneri i tyre, Walid Regragui, nga autobusi pwrshwndetnin tifozwt, të shoqëruar nga dhjetëra makina policie dhe motoçikleta me drita ndezëse dhe sirena vajtimi.

Turma brohoriste dhe disa tundnin flakë ndërsa fishekzjarrët kërcitnin në qiell mbi kryeqytetin bregdetar, thanë korrespondentët e AFP.

Ekipi më vonë u drejtua në pallatin mbretëror, ku u pritën nga Mbreti Mohammed VI “në njohje të arritjes historike”.

Mbreti, së bashku me Princin e Kurorës Moulay Hassan, shpërndau çmime për presidentin e federatës së futbollit maroken, trajnerin e ekipit dhe lojtarët, njoftoi agjencia kombëtare e lajmeve e vendit MAP. Aty thuhet gjithashtu se i gjithë stafi teknik dhe mjekësor i Kombëtares do të marrin medalje në shenjë mirënjohjeje për përpjekjet e tyre. Nënat e lojtarëve i shoqëruan gjithashtu në pallat, shtoi MAP, duke thënë se kjo ishte në njohje të përpjekjeve të tyre për të “rrënjosur tek fëmijët e tyre vlerat e patriotizmit, sakrificës dhe përkatësisë kombëtare”. /IndeksOnline/