Loris nuk do ta mbaj shiritin e kapitenit me ngjyrat e LGBT

Portieri i Francës Hugo Loris, thotë se nuk do të mbajë shiritin e kapitenit me ngjyra për të përkrahur komunitetin LGBT.

Në një konferencë për media pas grumbullit, kampioni i Botës thotë se do t’i përkrahë rregullat e si respekt ndaj Katarit.

“Kur mirëpresim të huajt në Francë, shpesh duam që ata të respektojnë rregullat tona dhe të respektojnë kulturën tonë. Të njëjtën gjë do të bëj kur të shkoj në Katar. Mund të pajtohem ose jo, jam dakord me idetë e tyre, por duhet të tregoj respekt”, tha Loris.

Loris dhe Franca janë nga pretendentët kryesorë për të fituar Kupën e Botës. /IndeksOnline/