21:06 / E Shtunë, 17 Shkurt 2018 / indeksADMonline

Lukaku kualifikon “Djajtë e Kuq” në çerekfinale të FA Cup

Manchester United kualifikohet në çerekfinale të FA Cup, pasi eliminoi Huddersfieldin duke e mposhtur 0-2 në “Kirklees Stadium”. Një fitore e pastër por cinike e “Djajve të Kuq”, që vuajtën presionin e vendasve, por në daljet në kundërsulm shfrytëzuan potencën e Romelu Lukakut, që shënoi të dy golat e sfidës.

Takimi u zhbllokua që në minutën e 3-të, kur Juan Mata pasoi saktë për sulmuesin belg, që pasi shmangu mbrojtësin gjeti këndin e duhur për ta dërguar topin në rrjetë.

Lojtarët e Huddersfieldit bënë gjithçka për të gjetur barazimin, por në një tjetër moment kundërsulmi, pas kombinimit me Sanchez, Lukaku realizoi golin që vrau shpresat e vendasve për një kualifikim të mundshëm.

Mos i humb

Të fundit nga Sport