Lukaku “pajtohet” me Napolin, pritet rikthimi i tij!

Napoli është duke u përgatitur të mirëpresë sërish sulmuesin belg Romelu Lukaku, i cili ka kaluar disa javë në Belgjikë duke ndjekur një program rikuperimi të pavarur.

Sipas raportimeve, ai pritet të kthehet në qendrën stërvitore në Castel Volturno, ku fillimisht do të takohet me trajnerin Antonio Conte përpara se të bashkohet gradualisht me skuadrën, shkruan Indeksonline

Megjithatë është shumë pak e mundshme që Lukaku të rikthehet në fushë deri në fund të sezonit, duke e bërë mungesën e tij një faktor të rëndësishëm në ecurinë e ekipit.

Sulmuesi ka pasur një sezon të kufizuar në mënyrë drastike, me vetëm disa paraqitje sporadike: rreth 40 minuta në kampionat dhe një pjesëmarrje të shkurtër në UEFA Champions League.

Në total, ai ka luajtur vetëm 64 minuta në të gjitha garat këtë sezon, një shifër që ka ngritur pikëpyetje të mëdha për kontributin e tij real në ekip.

Nga ana financiare, situata bëhet edhe më e debatueshme, pasi paga e tij prej rreth 8 milionë euro bruto është e lartë krahasuar me minutazhin e luajtur, duke krijuar diskutime të shumta në opinionin sportiv italian.

E ardhmja e tij te Napoli mbetet e hapur, ndërsa klubi pritet të vendosë pas përfundimit të sezonit në lidhje me rolin e tij në projektin afatgjatë./Indeksonline/