Lushaku-Sadriu: Qeveria me metoda autoritare po mundohet përmes presionit t’i nënshtrojë punëtorët e arsimit
Kryetarja e furumit të Gruas së LDK-së, Jehona Lushaku Sadriu, ka reaguar ndaj vendimit të Qeverisë për ndaljen e pagave për mësimdhënësit.
Ajo përmes një statusi në rrjetin social Facebook, ka thënë se Qeveria me metoda autoritare po mundohet përmes presionit t’i nënshtrojë punëtorët e arsimit, transmeton IndeksOnline.
E për këtë vendim ajo ka thënë nuk përbën më vetëm kërcënim, por dhunë ekonomike.
Postimi i plotë:
Qeveri e presionit dhe frikës
Ndalja e pagave për mësimdhënësit dhe punëtorët e sektorit publik nuk përbën më vetëm kërcënim, por dhunë ekonomike. Qeveria me metoda autoritare po mundohet përmes presionit t’i nënshtrojë punëtorët e arsimit.
Ky veprim i pa precedent për historinë e arsimit të Kosovës është i papranueshëm dhe duhet të korrigjohet menjëherë.
Qeveria duke mos pasur gatishmëri për dialog po i vë mësimdhënësit dhe prindërit në konflikt, duke i vënë ata në huti dhe krejt kjo në kurriz të nxënësve.
Një krizë më shumë në mesin e shumë krizave që kjo qeveri po i shkakton./IndeksOnline/