Lushtaku dërgohet në mbajtje për 48 orë
Ish-nënkryetari i komunës së Skenderajt Nuredin Lushtaku, është dërguar në mbajtje për 48 orë.
Valon Preteni, zëdhënës i prokurorisë Themelore në Mitrovicë ka konfirmuar për Indeksonline se Lushtaku është dërguar në mbajtje.
Ai shtoi se Prokuroria Themelore e Mitrovicës ka parashtruar një kërkesë për caktimin e masës së paraburgimin ndaj ish-kryetarit të komunës së Skënderajt Nuredin Lushtaku, dhe dy personave të tjerë me inicialet P. L dhe A.L.
Preteni tha se seanca për caktimin e masës së paraburgimit ndaj Lushtakut dhe dy të tjerëve është duke u mbajtur në Gjykatën Themelore dhe pritet të vendoset se çka do të ndodh tutje.
Ish-nënkryetari i Skenderajt sot është dorëzuar në Polici.
Ai dyshohet se më 2 korrik rreth mesnatës së bashku me familjarët i kishte sulmuar policët të cilët e kishin gjobitur djalin e tij.
Dy nga ta kanë pësuar lëndime.