”Masakër” në Madrid! Atletico bën ligjin, Barcelona vetëm spektatore

Atletiko Madrid ka shënuar fitore bindëse ndaj Barcelonës në ndeshjen e parë gjysmëfinale të Kupës së Spanjës.

Rezultati përfundimtar në ”Metropolitano Stadium”, ishte 4-0, shkruan IndeksOnline.

Spektakli nisi që nga minuta e 6-të, kur portieri i Barcës, Joan Garcia shënoi një autogol qesharak.

Nuk vonoi shumë dhe Antoine Griezmann dyfishoi rezultatin në minutën e 14-të.

Transferi më i ri i Atletikos, Ademola Lookman shënoi golin e tretë, në minutën e 33-të.

Fitoren e Atletikos e vulosi goli i Julian Alvarez, në 45+3.

Me këtë rezultat, Atletiko Madrid është një hap larg finales, pasi Barcelona do të duhet të bëj një rikthim të madh në ndeshjen e kthimit, e cila zhvillohet me 3 mars në stadiumin ”Camp Nou”./IndeksOnline/