Mbappe i “vogël” me zemër të madhe, dhuron fitimet për vendin e lindjes

Kilyan Mbappe, i cili nuk kishte lindur edhe kur Franca fitoi Kupën e Parë Botërore, udhëtoi në Rusi 2018 me etiketën e adoleshentit më premtues të botës.

Ai u kthye me trofeun e Kupës së Botës dhe një reputacion si trashëgimtar i dukshëm i Cristiano Ronaldos dhe Lionel Messit si lojtari më i mirë në botë, shkruan indeksonline.

Kthimi i tij në Francë të hënën gjithashtu shkëlqeu në qendër të vëmendjes në Bondy, një komunë e vogël pak më shumë se 10 kilometra nga qendra e Parisit, ku ekipi kombëtar francez luan ndeshjet e veta në shtëpi.

Ai është duke dhuruar fitimet e Kupës së Botës, thuhet se deri në 500,000 dollarë, për “Premiers de Cordée”, një organizatë bamirëse që ofron mundësi sportive për fëmijët që janë në spital ose që kanë aftësi të kufizuara, e cila është e bazuar në Stade de France.

Bamirësia është konfirmuar për CNN dhe ata do të marrin fitimet e Mbappe në shtator.

Në rrugët ku ai luajti futboll, kishte sponzoruar një fushë futsali të për komunitetin.

“Merci les bleus! Merci Kylian!” shkruan në muret e stadiumit.

Zona e Madhe e Parisit, sidomos periferitë e saj të ndryshme janë ndoshta terrenet më pjellore në botë për talentin e futbollit të klasit të lartë.

Mbappe, Paul Pogba, N’Golo Kante, Blaise Matuidi, Anthony Martial, Kingsley Coman dhe Riyad Mahrez ishin të gjithë të lindur, të rritur ose të arsimuar në Ile-de-France.

Një zonë e tillë është komuna e Bondy.

Bashkia e qytetit, një ndërtesë e zymtë, gri, është e stolisur me një flamur të madh të kuq, i cili thotë: “Faleminderit Kylian, të gjithë njerëzit e Bondy janë me ty!” /IndeksOnline/