Mbyllet aeroporti i dytë më i madh në Britani të Madhe, arsyeja befasuese

Aeroporti i Gatwick, aeroporti i dytë më i madh në Britaninë e Madhe është mbyllur dje pasdite dhe sot paradite për një arsye vërtetë të çuditshme. Aeroporti është mbyllur pasi që në afërsi të tij kanë fluturuar disa dronë.

Aeroporti fillimisht kishte fluturimet e tij të pezulluara në orën 9 të mëngjesit pasi u diktuan dronët dhe megjithëse u rihapën shkurtimisht , ai u detyrua të mbyllet edhe një herë 45 minuta më vonë pas rifillimit të fluturimeve të avionëve, shkruan Indeksonline.

Që nga ora 1 , të enjten pasdite, fluturimet në dhe nga aeroporti mbetën të pezulluara. Në total, 760 fluturime që përmbajnë 110,000 pasagjerë duhej të tërhiqeshin ose të dilnin nga Gatwick.

Autoriteti i Aviacionit Civil tha se “është krejtësisht e papranueshme për të fluturuar dronët në afërsi të aeroporteve dhe të gjithë ata shkelnin rregullat mund të përballen me dënime të rënda, duke përfshirë burgim./Indeksonline/