Më e rrezikshme se të tjerat! Mutacioni kalifornian “Cal.20C” po përhapet me shpejtësi

Prof. Dr. Dr. Halil Krasniqi

Një mutacion i ri i koronavirusit nga Kalifornia i quajtur “Cal.20C” po përhapet me shpejtësi. Prof. Dr. Dr. Halil Krasniqi tregohet i shqetësuar, sepse çdo mutacion i shfaqur është duke rënduar dhe veshtirësuar situatën shëndetësore, ekonomike dhe psikosociale.

Përveç mutacioneve të rrezikshme të koronavirusit nga Afrika e Jugut, Brazili dhe Britania e Madhe, tani po përhapet me shpejtësi të madhe një variant i rrezikshëm nga Kalifornia. “Cal.20C”.

Ekipet shkencore nga Universiteti i San Franciskos janë gjithashtu shumë të shqetësuar sepse mutacioni “Cal.20C”, zbuluar së pari në Kaliforni, po përhapet gjithnjë e më shpejt. Ky mutacion u zbulua për herë të parë në vjeshtën e vitit 2020 dhe tani thuhet se përbën 50 përqind të rasteve në shtetin amerikan, raporton edhe gazeta “Bild”.

Infektiologu dhe eksperti i sekuencave në Universitetin e San Franciskos, Charles Chiu, jep një vlerësim fillestar në revistën “Science”: “Ky variant është vërtet shqetësues. Të dhënat tona tregojnë se është më ngjitës, ka më shumë të aftësi të shoqërohet me proceset e sëmundjes, dhe të paktën është vetëm pjesërisht rezistent ndaj antitrupave neutralizues “.

Deri më tani, studimet e ekipit hulumtues janë botuar vetëm në të ashtuquajturën parathënie shkencore. Zbulimet nuk janë ende plotësisht zyrtare, por ato tashmë tregojnë se mutacioni i ri i kurorës mund të jetë shumë i rrezikshëm.Një virus i tillë ende nuk është përhapur në gjermani por ne llogarisim çdo ditë edhe me këtë mutacion. Kështu Krasniqi, expert i shëndetësisë dhe kordinator i Institutit të shëndetësisë në gjermani.