“Me Kosovën në Evropian”, Motoja e FFK-së për ‘EURO 2024’

Kosova sot do të nis kualifikimet për Kampionatin Evropian ”EURO 2024”.

”Dardanët” në ndeshjen e parë do të përballen me kombëtaren e Izraelit, shkruan IndeksOnline.

Ndeshja zhvillohet në “Bloomfield Stadium”, më fillim nga ora 18:00.

Federata e Futbollit të Kosovës, ka dal me një postim motivues duke mbështetur futbollistët e Alain Giresse para kësaj sfide.

Motoja e FFK-së për fazën kualifikuese është: Me Kosovën në Evropian”.

”Gati për ndeshjen e madhe!

Pas një pritjeje të gjatë, Dardanët do ta nisin sot ciklin kualifikues për Euro 2024 me ndeshjen e parë si mysafirë kundër Izraelit.

Me formën e mirë dhe krenarinë  kombëtare, Dardanët janë gati për të dhënë maksimumin në fushë për t’i treguar vlerat e tyre dhe për t’i dhënë gëzim të madh tifozëve në Kosovë dhe kudo në botë!

Kjo ndeshje do të jetë një test i vështirë, por Dardanët janë të gatshëm për këtë sfidë dhe për fitore! Të gjithë jemi me ju, Dardanë!”, shkruhet në psotimin e FFK-së.

Kosova është pjesë e Grupit I, së bashku me Zvicrrë, Rumaninë, Bjellorusinë, Izraelin dhe Andorën./IndeksOnline/