Mediat serbe: Xhudistët e Kosovës dhe Serbisë në një podium, ky është realiteti
Xhudistja nga Kosova, Distria Krasniqi ishte në një podium me xhudisten serbe, Milica Nikolic në Grand Prix. Xhudistja kosovare fitoi medaljen e artë kurse ajo serbe të bronztën.
Mediat serbe e kanë komentuar këtë si një realitet që duhet pranuar, transmeton Indeksonline.
“Flamujt në direk, njëri pas tjetrit, Kosova dhe Serbia. Ky është realiteti i sporti tonë” kishte shkruar njëra nga mediat serbe.
Kurse vendimin për mos-tërheqje nga gara të xhudistëve serbe e kanë quajtur të mençur pasi që rrezikonin të mos paraqiteshin në Olimpiadën 2020.
Të kujtojmë që në fillim të këtij viti, kur shorti i vuri përball xhudisten kosovare Laura Fazliu me një xhudiste serbe, ajo u tërhoq. Këtë vendim e kishte përkrahu presidenti serb Vuçiq, transmeton Indeksonline.
Pas kësaj Federata serbe e Xhudos kishte pësuar dënime dhe ishte në rrezik për mospjesëmarrje në Olimpiadën e vitit 2020.
Mediat serbe kanë kërkuar që sporti e politika të mos përzihen.
Kjo është hera e parë që në një podium fitues kanë qenë garues nga Kosova dhe Serbia./Indeksonline/