Mesazhi i fortë i komandantes supreme për ushtarët e FSK-së: Zoti ju ruajt dhe faleminderit!

Ka nisur ceremonia e zbarkimit të kontingjentit të Forcës së Sigurisë të Kosovës në misionin e parë paqësor jashtë vendit, shkruan Indeksonline.

Vjosa Osmani në cilësinë e komandates supreme e tha një mesazh në këtë ditë historike.

“Mesazhi për ta dhënë në këtë ditë historike, Zoti ju ruajt dhe faleminderit!”.

Osmani tregoi se ndihet e nderuar që është këtu në përcjelljen e kontigjentit të parë në Kuvajt.

Po ashtu ajo u shpreh se ky mision po bëhet i mundur falë SHBA-së.

“Ndihem e nderuar sot që në cilësinë e komandetes supreme të FSK-së te jem këtu bashkë më ju në përcjelljen e kontigjentit të parë për në Kuvajt.

Mesazhi për ta dhënë në këtë ditë historike, Zoti ju ruajt dhe faleminderit!

Nuk mund ta lë pa përmendur nderin që shërbej si komandante supreme.

Ndihem krenare që kam nënshkruar autorizimin për dërgimin e këtij kontingjenti. Ky mision po bëhet i mundur falë SHBA-së. Këta djem që po i përcjellim sot, e së shpejti edhe vajzat ushtarake, janë nderi ynë”./Indeksonline/