Messi dhuron magji, Barcelona triumfon në derbin e Katalonjës
Mbeten edhe 9 javë nga përfundimi i kampionatit spanjoll të futbollit dhe Barcelona po i afrohet gjithnjë e më shumë titullit kampion.
Në ndeshjen e radhës, katalanasit fituan derbin ndaj Espanyol duke mos luajtur mirë, por duke u mjaftuar me dy gola të të zakonshmit Leo Messi.
Me këto tre pikë, Barcelona shkon 13 pikë para klubit në pozitën e dytë në tabelën e ligës spanjolle, Atletico Madridit.
Messi fillimisht shënoi në minutën e 71-të e golin e parë për këtë ndeshje.
What a goal from Messi??
— Ahad (@Ahad962) March 30, 2019
I have never seen anything like this in football
Like who scores a panenka freekick#Messi#BarçaEspanyol pic.twitter.com/MpBiFWu7Lf
Por, kjo nuk ishte e gjitha për argjentinasin në këto 90 minuta lojë. Vetëm një minutë para fundit të kohës së rregullt, Messi shënoi edhe një gol tjetër, duke ia siguruar kështu Barcelonës fitoren.
How did Malcolm find Messi here!! And the one touch goal by Messi?#BarcaEspanyolpic.twitter.com/tZ6YhccMTX
— Neo? (@lniesta9) March 30, 2019
Messi kishte qenë në dyshim për këtë ndeshje, pasi pësoi lëndim në ndeshjen e fundit të zhvilluar për ekipin kombëtar të Argjentinës. Megjithatë, ai u rikuperua në kohë dhe arriti ta bëjë një paraqitje të mrekullueshme, e cila sipas SofaScore u vlerësua me notën 9.5, më të lartën nga të gjithë lojtarët në fushë.
Tifozët e Barcelonës do të shpresojnë se Messi do të shfaqë formë po kaq të mirë edhe në ndeshjen e radhës, kundër Villarealit, e cila do të zhvillohet të martën, po ashtu në kuadër të La Ligës.