12:05 / E Hënë, 17 Janar 2022 / Medina Shala

Meta përballet me një akuzë miliardash

Deri në 44 milionë përdorues të Facebook në Mbretërinë e Bashkuar, mund të ndajnë 2.3 miliardë paund dëmshpërblim, sipas një eksperti të konkurrencës, që synon të padisë kompaninë Meta.

Liza Lovdahl Gormsen pretendon se Meta “abuzoi dominimin e saj në treg” për të vendosur një “çmim të padrejtë” për përdorimin falas të Facebook, e që janë të dhënat personale të përdoruesve në Mbretërinë e Bashkuar.

Ajo synon ta çojë çështjen në Gjykatën e Apelit të Konkurrencës, shkruan BBC.

Një përfaqësues i Metas tha se përdoruesit kishin “kontroll kuptimplotë” të informacionit që shpërndanin.

“Facebook abuzoi dominimin e tij në treg për të imponuar terma dhe kushte të padrejta ndaj britanikëve të zakonshëm, duke i dhënë fuqinë për të shfrytëzuar të dhënat e tyre personale”, thotë Lovdahl Gormsen.

Dhe këto të dhëna, të mbledhura midis 2015 dhe 2019, siguruan një pamje shumë të detajuar të përdorimit të internetit, duke ndihmuar kompaninë të bënte “fitime të tepërta”.

Kushdo që jeton në Mbretërinë e Bashkuar, që ka përdorur Facebook të paktën një herë gjatë periudhës, do të jetë pjesë e padisë, përveç nëse zgjedh të tërhiqet.

Megjithatë, në nëntor, Gjykata e Lartë e Mbretërisë së Bashkuar hodhi poshtë një kërkesë për përjashtim që kërkonte miliarda paund dëmshpërblime nga Google mbi gjurmimin e pretenduar të paligjshëm të miliona iPhone-ve.