Ministri Ismaili takohet me ministrin gjerman të Shëndetësisë, Gjermania e gatshme ta ndihmojë Kosovën

Ministri i Shëndetësisë së Republikës së Kosovës, Uran Ismaili, ka marrë pjesë në Kuvendin e Odës së Mjekëve të Gjermanisë, ku ka qenë si i ftuar nderi.

Me këtë rast, ministri Ismaili është takuar edhe ministrin gjerman të Shëndetësisë, Jens Spahn, me të cilin ka zhvilluar një bisedë konstruktive.

Ministri gjerman Jens Spahn, e ka ftuar ministrin Ismaili në një takim bilateral në Gjermani, për të folur rreth mënyrav e së si Gjermania mund të kontribuoj në në avancimin e reformave në shëndetësinë kosovare.

Lajmin e ka bërë të ditur vet ministri Ismaili, i cili ka treguar për gatishmërinë e shtetit gjerman për të ndihmuar Kosovën.

“Jam shumë i lumtur që edhe Gjermania do të fillojë konkretisht ndihmën për t’i çuar përpara reformat shëndetësore në Kosovë. Me Ministrin Jens Spahn, të cilin e takova në Kuvendin e Odës Gjermane të Mjekëve, u dakorduam që shpejt të kemi një takim tjetër në Berlin – për t’i diskutuar mënyrat konkrete se si ky shtet mik do të mund të kontribuojë për shëndetësinë kosovare. Mirënjohës që Gjermania asnjëherë s’e ka rezervuar gatishmërinë për ta mbështetur Kosovën”, ka shkruar ministri Ismaili.