“Miqtë e Amerikës” nderojnë viktimat nga COVID-19 në SHBA
Shoqata “Miqtë e Amerikës”, ka ulur flamurin amerikan në gjysmështizë para bulevardit “Bill Clinton”, duke u solidarizuar me viktimat nga Covidi-19 në SHBA.
Kryetar i shoqatës “Miqtë e Amerikës” Agim Rexhepi, tha se me këta aksion u shprehin ngushëllime të gjitha familjeve për vdekjen e më shumë se 500 mijë amerikanëve nga Covidi-19.
Madje ai ka bërë thirrje për respektim të masave kundër pandemisë.
“Ky është evenimenti i radhës me tendencë dhe dërgimit të mesazheve të Shteteve të Bashkuara të Amerikës dhe me iu bashkuar evenimentit që e ka organizuar presidenti Biden”.
“Arsyeja është që t’ju dërgojmë mesazhe të gjithë familjarëve për vdekjen e më shumë se 500 mijë amerikanëve dhe me ju shpreh ngushëllime të gjithë atyre që humbën jetën edhe në Kosovë nga Covidi-19”.
“Nga ky vend u apelojmë qytetarëve që të respektojnë masat”.
Drejtori i Qendrës Emergjente në Prishtinë Avdyl Pacolli, tha se po solidarizohen me viktimat në SHBA, përmes këtij aksioni, raporton EO-ja.
“Neve jemi të ballafaquar me sfida të Covidit. Covidi-19 ka përfshirë gjithë botën dhe ky Covid është duke pësuar mutacion dhe ndryshime gjenetike”.
“Këshillat e mia janë që t’u përmbahemi rregullave. Në shenjë të nderimit dhe respektit ne jemi këtu që të solidarizohemi”.