Molliqaj shpreson që katër aktivistët e Vetëvendosjes do të lirohen nesër
Katër aktivistët e Vetëvendosjes, Frashër Krasniqi, Adea Batusha, Atdhe Arifi dhe Egzon Haliti, nesër do të ballafaqohen përsëri me drejtësinë.
Në seancën që mbahet nesër në Gjykatën e Apelit, Dardan Molliqaj i Vetëvendosjes thotë se mund të dëshmohet që drejtësia nuk është e korruptuar, transmeton Indeksonline.
Ja postimi i Molliqajt:
Nesër mbahet seanca në Gjykatën e Apelit për aktivistët tonë të cilët u arrestuan dhe u dënuan pa asnjë fakt të vetëm.
Nesër Gjykata e Apelit e ka mundësinë ta dëshmoj se jo të gjitha nivelet në sistemin e drejtësisë në Kosovë janë të kapura nga klanet e korruptuara politike.
Procesi i montuar politik ndaj Adeas, Atdheut, Egzonit dhe Frashërit do të duhej të merrte fund nesër. Duke besuar në pafajësinë e plotë të aktivistëve, shpresoj që Gjykata nesër vendosë drejtë dhe i liron ata. /Indeksonline/