Moti me shi/ Aksidenti tjetër në rrugën Prishtinë-Podujevë
Sot në Kosovë po mbizotëron mot me reshje shiu.
Si pasojë e kësaj, janë shënuar një numër i konsiderueshëm i aksidenteve në komunikacion.
Një aksident trafiku ka ndodhur pak më parë në rrugën Prishtinë – Podujevë, ku dy persona kanë marrë lëndime trupore.
Rastin e ka konfirmuar për IndeksOnline, zëdhënësja e PK-së, Flora Ahmeti.
“Sot rreth orës 17:30,në rrugën Prishtinë – Podujevë, ka ndodhur një aksident komunikacioni, ku jane perfshirë dy automjete.
Bazuar në të dhënat fillestare nga vendi i ngjarjes, si pasojë e aksidentit dy persona kanë pësuar lëndime. Të njëjtit janë dërguar për trajtim mjekësor.Me rastin po merret njësiti i trafikut”, tha ajo./IndeksOnline/