Muharrem Nitaj ka një porosi për Ministrin shqiptar të Financave: Kujdesu për shëndetin e shtetit tënd
Deputeti i Aleancës për Ardhmërinë e Kosovës, Muharrem Nitaj i është kundërvu Ministrit shqiptar të Financave, Arben Ahmetaj i cili kishte cilësuar taksën 100% kundrejt produkteve serbe si jo të shëndetshme.
Nitaj i ka thënë Ahmetaj që të kujdeset për shëndetin e Qeverisë së tij dhe mos të brengoset për shëndetin tonë.
Më tej, Nitaj ka thënë se ai do të duhej ti kërkonte sqarime Ministrit serb të financave për agresionin ekonomik e politik që po ushtrohet ndaj Kosovës.
Më poshtë gjeni postimin e plotë:
Ministri shqiptar i financave, Arben Ahmetaj, paska deklaruar se taksa e Qeverisë së Kosovës për produktet serbe, nuk qenka e shëndetshme!
E porosis Ministrin Ahmetaj të kujdeset për shëndetin e Qeverisë së tij dhe hiç mos ta ketë gajle shëndetin tonë!
Ai në vend që ministrit serb të financave t’i kërkojë sqarime për agresionin ekonomik e politik të Serbisë ndaj Kosovës, paska premtuar lehtësira për importet nga Serbia!
S’ka problem, veç dushk për gogla mos na shitni!
Këtij farë ministri i paska ngelur sahati në kohën e “vëllezërve kinezë e miqve kosovarë”!