Mustafa s’pranon të flasë për postin e presidentit, thotë se VV-ja do ti thërrasë të tjerët në bashkëqeverisje

Kryetari i Lidhjes Demokratike të Kosovës, Isa Mustafa, pas takimit me liderin e Lëvizjes Vetëvendosje, Albin Kurtin, po I konsideron si shumë të suksesshme takimet e deritanishme mes dy partive të cilat dolën të parat në zgjedhjet e 6 tetorit.

Mustafa ndonëse nuk pranoi të përgjigjet për postin e presidentit, tha se partia e cila do të del e para pas certifikimit të rezultatit të zgjedhjeve nga KQZ-ja, e njejta do ta ketë primatin që ti thërrasë partitë e tjera në koalicion, tha IndeksOnline.

“Ne kishim një takim me Z.Kurti para certifikimit dhe vlerësuam procesin e harmonizimit dhe programit qeverisës që është bërë mes dy subjekteve tona dhe erdhëm në përfundim se kemi arritur shumë në këtë drejtim u morrëm vesh që po sa të del certifikimi të ulemi bashkarisht me ekipet dhe të merremi vesh për mundësinë e koalicionit qeverisës dhe formimin e qeverisë së përbashkët. Për poste s’kemi biseduar sot as për ministrat konkrete”.

“Sa i përket listës erbe por edhe partenrëve të tjerë i mbetet atij që del i pari nëse VV-ja del e para ne konsiderojmë që VV-ja ta merr iniciativën dhe ti thërret tjerët dhe agjenda do varet nga partia që certifikohet si partia e parë. Për cështje të ndarjes së ministrive do ju njoftojmë kur të ulemi të bisedojmë”. /IndeksOnline/