Ndalen më në fund Bucks, Westbrook inspiron Thunder
Vjen dhe humbja e parë sezonale për Milwaukee Bucks, që kishte surprizuar duke i fituar të 6 sfidat e parë të sezonit të rregullt në NBA.
Skuadra e drejtuar nga Mike Budenholzer u mposht 117-113 nga Boston Celtics në “TD Garden”, edhe pse iu afrua shumë përmbysjes së rezultatit në periodën e fundit. Giannis Antetokounmpo dhuroi një tjetër paraqitje mbresëlënëse, duke shënuar 33 pikë dhe kontrolluar 11 topa poshtë koshit, për në fund festa ishte për Celtics, tek të cilët spikati Irving me 28 pikë.
The Greek Freak racked up his 3rd 30/10 game of season tonight!!#FearTheDeer pic.twitter.com/GziUR9hu3s
— Milwaukee Bucks (@Bucks) November 2, 2018
Rikthehet tek humbja Cleveland Cavaliers, duke zhgënjyer ta pranishmit në “Quicken Loans Arena” përballë Denver Nuggets. 91-110 përfundoi kjo ndeshje, që deri në mesin e periodës së dytë foli për vendësit, por që më pas u dominua nga Nuggets, në radhët e të cilëve tregoi formë të mirë spanjolli Hernangomez me 23 pikë.
Not our night for nugs.#MeVsNuggets | #BeTheFight pic.twitter.com/vi2YT9gLkv
— Cleveland Cavaliers (@cavs) November 2, 2018
Russell Westbrook me 29 pikë, 10 asiste dhe 8 rikuperime ishte inspiruesi i Oklahoma City Thunder në fitoren 107 – 111 në parketin e Charlotte Hornets. Abrines dhe Shroeder shtuan respektivisht 25 dhe 21 pikë për Thunder, që pas startit të dobët regjistruan suksesin e tretë radhazi.
? The smile says it all! #whynot pic.twitter.com/iTUfk1ckkd
— Russell Westbrook (@russwest44) November 2, 2018
Joel Embiid ishte i papërmbajtshëm në triumfin 122-113 të Philadephia 76ers përballë Los Angeles Clippers. 41 pikë dhe 13 rikuperime për “yllin” e 76ers në vetëm 33 minuta mbi parket.
Atlanta Hawks pësoi një humbje të rëndë 115-146 brenda në “Philips Arena” nga Sacramento Kings, për të cilët spikati Fox me 31 pikë, 15 asiste dhe 10 rikuperime, ndërsa Portland Trail Blazers, të udhëhequr nga Randle, që e mbylli takimin me 29 pikë, mposhtën 132-119 New Orlenas Pelicans.