19:50 / E Enjte, 11 Tetor 2018

Në çdo lojë, Kosova në minutën e 9-të duartrokitje për Fadil Vokrrin

Numri 9-të, tashmë simbolizon legjendën e ndjerë të futbollit, Fadil Vokrrin.

Ai ka mbajtur fanellën me numrin 9-të, kaloi nëntë vite në krye të FFK-së, ndërroi jetë me datën 9 qershor, rreth orës 9:30.

Pikërisht në nder të legjendës së futbollit kosovar, që tashmë mban emrin stadiumi në Prishtinë, grupi i përbërë nga komuniteti artistik ‘Bordi i Bordeve’ bashkë me Dardanët propozojnë që në çdo ndeshje që do të luajë Kosova në vendin e vet, në minutën e nëntë të duartrokitet për Vokrrin, shkruan Indeksonline.


Ndryshe sonte do të luajë Kosova me Maltën, ndërsa minuta e nëntë do t’i kushtohet pikërisht legjendës që s’do të vdes asnjëherë./Indeksonline/