S’ka coronavirus në Kosovë!
Instituti Kombëtar i Shëndetësisë Publike më ka marrë informatë nga Klinika Infektive e QKUK-së për një paciente të dyshimtë në sëmundjen coronavirus COVID-19.
Pacientja ka pasur ethe, djegje të syve, rrjedhje hunde dhe fytin e ndieshëm.
Ekipi i laboratorit të mikrobiologjisë molekulare në IKSHPK ka bërë testimin në virusin
SARS-CoV-2 me metodën rRT-PCR. Testi ka rezultuar negativ, domethënë pacientja nuk është infektuar me virusin SARS-CoV-2.
Laboratori mikrobiologjik -IKSHPK është pajisur me kite dhe reagensa për detektimin e 2019-nCoV;
Ekipet e Institutit Kombëtar po e përcjellin me vëmendje situatën epidemiologjike me coronavirusin në botë.
Komiteti për monitorimin e sëmundjeve ngjitëse ka konstatuar se janë përforcuar masat për monitorimin, parandalimin e rrezikut të përhapjes së coronavirusit të ri. Ka kompletuar Planin e gatishmërisë për coronavirusin dhe Planin e kontingjencës duke iu përmbajtur strikt rekomandimeve të OBSH-së;
Janë shpërndarë materialet dhe dokumentet, posteret e shtypur nga Instituti Kombëtar me kohë janë shpërndarë në institucionet shëndetësore, shkolla, aeroport, hyrje -daljet tokësore, institucionet e burgjeve. Komunikimi me media dhe rrjetet sociale është në vazhdimësi për të ruajtur panikun e mundshëm.
Është bërë ngritja e nivelit të vigjilencës dhe gatishmërisë për veprim në situatën e krijuar 24 orë në ANP ”Adem Jashari” dhe në hyrje- daljet e Kosovës me ekipe mjekësore.
Të gjitha institucionet shëndetësore janë të përgatitura për përballje me shfaqjen e sëmundjes./Indeksonline/