Në Mitrovicë konfiskohet një kallashnikov

Policia raporton se më 24 prill rreth orës 15:00, në rrugën “Mbretëresha Teutë” në një pikë kontrolli gjatë kontrollimit të një automjeti të ndaluar ka marrë informatën se në telefonin e të dyshuarit E.B., 23 vjeçar kishte disa incizime duke shtënë me armë.

Urdhër kontrolli u realizua mbi bazën e dyshimeve të arsyeshme për posedim të armës, ku gjatë kontrollit në shtëpinë e të dyshuarit në fjalë, është konfiskuar një armë automatike A47, dy (2) karikatorë dhe njëzet e një (21) fishekë të së njëjtës armë.

Po ashtu është arrestuar i dyshuari E. B., 23 vjeçar, i cili dyshohet se ka pasur në posedim armën dhe dëshmitë tjera dhe pas procedurave intervistuese i njëjti me urdhër të Prokurorit të Shtetit lirohet në procedurë të rregullt.