Nëse dështon Haaland, Barcelona synon transferimin e Salah ose Lewandowskin

Barcelona ka ëndrra të mëdha për afatin kalimtar të verës, pavarësisht kufizimeve financiare, me të cilat po përballet klubi, dhe po vazhdon të punojë në një mënyrë për të nënshkruar me Erling Haaland. Në rast të dështimit, ata duan Mohamed Salah ose Robert Lewandowski.

Duket gjithnjë e më e pamundur që sulmuesi norvegjez të zbarkojë në Camp Nou, pavarësisht se interesi i katalanasve ka mbetur, kryesisht për shkak të kërkesave financiare të lojtarit dhe përfaqësuesve të tij.

Si rezultat, Barcelona po kërkon alternativa, pavarësisht që do të bëjë të pamundurën në lidhje me sulmuesin e Borussia Dortmundit.

Lewandowski dhe Salah janë dy lojtarë, për të cilët janë të interesuar, pasi të dy do të ofronin zgjidhje të menjëhershme për nevojën e tyre për një numër 9 përtej këtij sezoni.

Rekordi i sulmuesit polak flet vetë dhe ekziston besimi se ai mund të vazhdojë të luajë në nivelin më të lartë edhe për disa vite të tjera, pavarësisht se është 33 vjeç. Kontrata e tij me Bayern Munich zgjat deri në vitin 2023 dhe klubi ende nuk i ka ofruar një rinovim.

Me një situatë të ngjashme po përballet edhe Salah, ku kontrata e tij po ashtu skadon në vitin 2023.

Megjithatë, Liverpooli i ka bërë oferta egjiptianit, por nuk ka arritur marrëveshje. Ai është gjithashtu katër vjet më i ri se Lewandowski, duke e bërë atë një opsion më të favorshëm në “Camp Nou”.

Për momentin, megjithatë, Haaland mbetet prioriteti, por Blaugranët kanë planet B dhe C të gatshme për të ndjekur nëse nuk arrijnë të transferojnë norvegjezin. /Klankosova.tv/