Nis takimi Haradinaj-Mogherini

Kryeministri i Kosovës, Ramush Haradinaj po qëndron në Bruksel, ku po zhvillon takime të rëndësishme.

Ai sapo ka mbërritur në ndërtesën e Këshillit Evropian në Bruksel, ku është pritur nga shefja e Bashkimit Evropian për politikë të jashtme, Federica Mogherini, shkruan Indeksonline.

Sipas agjendës së publikuar në faqen zyrtare të komisionit, Haradinaj dhe Mogherini pas pak pritet të dalin në një konference për media.

Haradinaj në takim po shoqërohet nga zëvendëskryeministri, Behgjet Pacolli dhe ministrja Dhurata Hoxha./Indeksonline/