Një muaj paraburgim për katër të arrestuarit (Foto)
Një muaj paraburgim është caktuar nga Gjykata Themelore e Prishtinës për katër të arrestuarit: Mario Millosheviq, Gjorgje Paviqeviq, Strahinja Dankoviq dhe Laureta Zybas, raporton Indeksonline.
Kërkesën e prokurorisë e aprovoi gjyqtari i procedurës paraprake pas gati pesë orë sa zgjati seanca.
Të arrestuarit do të dërgohen në një nga qendrat e paraburgimit nën masa të rrepta sigurie.
Indeksonline në lidhje me këtë rast ka raportuar disa herë që nga e mërkura mbrëma.
Sot gjatë ditës u publikuan edhe pamje ekskluzive të të arrestuarve dhe provave të cilat i ka gjetur dhe konfiskuar policia në banesën dhe veturën e të dyshuarve./Indeksonline/