22:25 / E Diele, 16 Qershor 2019

Njëri nga hitet më të mëdha të rokut është plagjiat? Bendi i kultit serish në gjyq

Saga e gjykimit që tronditi muzikën e zhanrit rok ishte përsëri në faqet e para të mediave të planetit.

Disa vjet më parë, ish-anëtarët e grupit “Taurus” kanë ngritur një padi kundër grupit të famshëm rok “Led Zeppelin” për plagjiaturën e pretenduar të hitit të tyre më të madh “Stairway To Heaven”.

Për disa vite, “Zeppelin” udhëhoqën një betejë gjyqësore për të provuar se kënga e tyre ishte vepër e anëtarët të tyre Jimmy Page, i cili shkroi muzikën dhe këngëtarit Robert Planta, i cili shkroi tekstet e një prej hiteve më të mëdha rok ndonjëherë të regjistruara, transmeton KosovaPress.

Paneli i gjyqtarëve të Gjykatës së Apelit në SHBA ranë dakord për një dëgjim të ri nga anëtarët e grupit “Led Zeppelin”, të cilët shpresojnë se ky do të jetë gjykimi i fundit që ata dëshirojnë të dëshmojnë se hiti i tyre është një vepër për të cilën kanë në pronësi të gjitha të drejtat e autorit.

Pas një gabimi të bërë nga gjyqtari i cili e drejtoi çështjen vitin e kaluar, i cili kishte të bënte me një sqarim joadekuat të pjesëve të veprës së autorit, dhoma e gjykimit urdhëroi një proces të ri ditëve në vijim.