Penallti e humbur dhe sherr, debutim për t’u harruar për Higuain

Debutim për t’u harruar për Gonzalo Higuain në MLS. “El Pipita” u largua nga Juventusi dhe zgjodhi të vijonte karrierën tek Inter Miami, klub që ka David Beckhamin si president.

Ekipi i sulmuesit argjentinas u mposht 3-0 në fushën e Philadelphia Union. Higuan pati një shans të artë për të rihapur takimin në minutën e 77-të, teksa kishte humbur dy raste të pastra më parë.

Rezultati ishte 2-0 për vendësit, penallti për Interin, por Higuaini dështon të dërgojë topin në rrjetë. Philadelphia realizoi edhe një gol tjetër, duke siguruar tri pikët pas triumfit me “tris”.

Në këtë takim nuk mungoi as tensioni. Kundërshtarët u tallën me bomberin latin pas humbjes së penalltisë dhe ky i fundit nuk i mbajti nervat. Një grindje nisi në fushën e blertë dhe 32-vjeçari rrezikoi të ndëshkohej me karton të kuq.

Higuain horribly missed a penalty on his MLS debut ?

But how’s the celebrating in his face? ?pic.twitter.com/OgNll3940L

— Goal (@goal) September 28, 2020