Përkrahja e gruas në Policinë e Kosovës, një prej kritereve të drejtorit Qalaj

Drejtori i Policisë së Kosovës, Rashit Qalaj, në urimin e tij për marrjen e çmimit nga kolonelja Canolli, tha se çmimi është frymëzim për të gjithë që të punojnë më shumë, e me përkushtim të arrijnë hapave të koleges Canolli.

“Ky çmim duhet të jetë mesë paku personal për kolegen, me qenë se kjo është mbikëqyrëse e nivelit të lartë në Policinë e Kosovës, dhe e mbikëqyr një numër mjaft të madh të personelit, dhe kredia i shkon asaj, është meritë e saj, mirë po konsideroj që secili person që është sot këtu, që merr pjesë këtu, e ka një kontribut për çmimin që e ka marrë kolonelja Canolli”, tha Qalaj.

Ai shtoi se si drejtor i ri i Policisë së Kosovës, ndër kriteret e tij ka edhe përkrahjen e gruas në Policinë e Kosovës.