Përleshja midis Rexhës dhe Da Silvës, presidenti i Niklit tregon a do të ndëshkohen lojtarët?
Ndeshja midis Vushtrrisë dhe Feronikelit, ku mysafirët fituan 0:1 është përfolur shumë.
Ajo ndeshje ka krijuar debate për referimin, por edhe një përleshje midis lojtarëve të Niklit, Da Silva dhe Kastriot Rexha.
Edhe pse prishen imazhin e lojës së kampionëve në fuqi, trajneri Vukiçeviq përsëri i përfshiu në formacionin kundër Drenicës.
Indeksonline ka kontaktuar presidentin Naser Ramaj, i cili është pyetur nëse lojtarët do të ndëshkohen.
Ramaj ka thënë se ka qenë në udhëtim jashtë Kosovës dhe kur të kthehet do të vendosë për rastin.
“Sa i përket rastit në ndeshje, nuk kam qenë në atë ndeshje dhe kur të kthehem do t’i shohim të gjitha“, ka thënë Ramaj.
Rexha dhe Da Silva u ndëshkuan me kartonë të verdhë pas kësaj përplasjeje. /IndeksOnline/