Përplasen ish-at e Kylie Jenner në Kanë
Travis Scott dhe Tyga, të dy ish-partnerë të Kylie Jenner, janë përplasur në Kanë, Francë.
Ngjarja ka ndodhur të premten dhe në zënkën e tyre është përfshirë edhe Alexander ‘AE’ Edwards, i dashuri i Cher.
Sipas zërave, përplasja ndodhi në festën e ‘The After’, e cila zhvillohet gjatë Festivalit të Filmit në Kanë dhe organizohet në “Domeine La Dilecta”.
Ata u prezantuan në të njëjtën kohë në skenë nga Richie Akiva (organizuesi i festës), të cilit Travis i mori mikrofonin nga dora kur ishte duke prezantuar Tyga-n dhe AE. “Kemi T-Raww dhe A.E” tha Scott.
Pasi Tyga dhe AE u ngjitën në skenë, të dy iu kundërvunë Travis, i cili iu afrua Tyga-s dhe rojave të sigurisë duke bërtitur dhe ofenduar. “Doni të vdisni?”, pretendohet të ketë thënë Travis.
Sipas burimeve, Travis ishte ai që nisi sherrin dhe bashkë me skuadrën e tij po vepronin si ‘të çmendur’. “Ai po kërkonte të zihej me dikë, që të jem i sinqertë”, u shpreh burimi për Page Six. Më pas, kur dolën jashtë, ata u përplasën sërish dhe AE e goditi.
Në një video që është bërë virale, shfaqet AE duke e goditur Travis, i cili për pak bie nga skena. Një burim tjetër anonim theksoi se ai u rrëzua pas grushtave të AE.
Tyga dhe Kylie kanë qenë të lidhur për 2 vite dhe marrëdhënia e tyre nisi kur Kylie ishte 17 vjeç. Ndërsa Travis dhe Kylie qëndruan 5 vite së bashku dhe kanë dy fëmijë: Stormi dhe Aire.