Përveç Prishtina – Ballkanit, sot zhvillohen edhe tri ndeshje interesante
Prishtina – Ballkani, nuk është ndeshja e vetme që zhvillohet sot në kuadër të Superligës së Kosovës në futboll.
Në mesditën e sotme, Trepça’89 pret KEK-un në ”Riza Lushta”, ku me Sabit Osmanin, mitrovicasit synojnë fitore.
Pas 14 ndeshjeve, 89-shi renditet në vendin e nëntë me 16 pikë, ndërsa KEK-u është në formë të tmerrshme me vetëm një pikë.
Nga ana tjetër, lideri i ndeshjeve të kaluara në Superligë, Feronikeli synon të reagojë pas humbjes nga Prishtina, me fitore ndaj Ferizajt, transmeton IndeksOnline.
Drenicasit renditen në vendin e dytë me 32 pikë, ndërsa Ferizaj është në vendin e parafundit me 14 pikë.
Dhe për fund, dueli më interesant i ditës së sotme zhvillohet në Gjilan.
Gjilani, në Stadiumin e Qytetit, pret Drenicën në kuadër të javës së 15-të në Superligës.
Pas 14 ndeshjeve, Gjilani renditet në vendin e gjashtë me 21 pikë, teksa Drenica në vendin e shtatë me 3 pikë më pak.
Të gjitha ndeshjet e lartëcekura zhvillohen nga ora, 13:30./IndeksOnline/