Pesë ndeshje vendimtare për Interin
Inter-in e pret një muaj vendimtar. Zikaltrit janë në ndjekje të një vendi në Champions League, por rezultatet e fundit duket se e kanë vënë në rrezik objektivin e sezonit. Ka ardhur momenti i së vërtetës për Spalletti-n: tani ose kurrë më. Në pesë ndeshjet e ardhshme Inter do të përballet me Spal, Crotone, Bologna, Genoa dhe Benevento. Kundërshtarë të kalueshëm, kundër të cilëve Icardi me shokë nuk mund të gabojnë. Përndryshe Lazio dhe Roma mund të arratisen. Pesë ndeshje për të vazhduar ndjekjen ndaj Champions League.
Lazio, që mban vendin e tretë në renditje, po zhvillon një kampionat të jashtëzakonshëm, por në ndeshjet e ardhshme do të përballet me Milan, Genoa, Napoli, Verona dhe Sassuolo. Inter duhet të jetë gati të përfitojë nëse bardhekaltrit do të lënë pikë rrugës. E njëjta gjë vlen edhe për Roma-n, që ndodhet dy pikë larg zikaltërve në renditje dhe që në pesë ndeshjet e ardhshme do të përballet me Samp, Verona, Benevento, Udinese dhe Milan.
Gjithashtu, Lazio dhe Roma do të luajnë edhe në kompeticionet europiane dhe rotacioni mund të ndikojë negativisht në ndeshjet e kampionatit. Duke parë renditjen, pas Napoli-t dhe Juventus, lufta për Champions League duket se do të jetë një garë mes tri skuadrash dhe muaji i ardhshmëm mund të rezultojë vendimtar. Veçanërisht për Inter, që nuk mund t’i lejoj vetes asnjë gabim tjetër. Treni i Champions-it nuk pret askënd.
5 ndeshjet e ardhshme
Java 22
SPAL-INTER
ROMA-SAMP
MILAN-LAZIO
Java 23
INTER-CROTONE
VERONA-ROMA
LAZIO-GENOA
Java 24
INTER-BOLOGNA
ROMA-BENEVENTO
NAPOLI-LAZIO
Java 25
GENOA-INTER
UDINESE-ROMA
LAZIO-VERONA
Java 26
INTER-BENEVENTO
ROMA-MILAN
SASSUOLO-LAZIO