Petrit Bylykbashi s’është infektuar për herë të dytë, a gënjeu pacienti?

Petrit Bylykbashi, i cili javë më parë ishte shëruar nga Covidi- 19 thotë se është infektuar sërish. Mikrobiologu Lul Raka thotë se pacienti ka dalë negativ, mirëpo vetë Bylykbashi thotë se të premten e javës që kaloi ka dalë sërish pozitiv, ndërsa një ditë më vonë ka dalë negativ.

Bylykbashi në një lidhje direkte për Frontal të Televizionit 7 thotë se ka dalë për të dytën herë pozitiv ndaj koronavirusit, ndonëse javë më parë ishte shëruar.

‘’Unë momentalisht tash jam t’u kalu brenda një sulmi, brenda marramendjes dhe dhimbjes se nyjave. Të premten në test kam rezultu pozitiv, por të shtunën negativ, gjithë kohën kam qenë në kontakt me infektologët”, ka thënë Bylykbashi.

Mirëpo mikrobiologu Lul Raka, në studion e Frontalit ka thënë se Bylykbashi nuk është i infektuar sërish me Covid-19.

“Fatkeqësisht ne s’kemi kapacitetete me i bo një personit disa teste. I dëshiroj shërim të shpejtë Petritit, duhet të qendrojnë në shtëpi, Petriti tha se ka bo analiza, duhet me bo të tjera, me përcjell gjendjen klinike dhe vendos pastaj infektologu’’, ka thënë Raka.

Bylykybashi ka treguar gjendjen e tij: “Sot kam bërë edhe analiza për sëmundje të tjera. Në këto momente jam t’u kalu në një marramendje, dhe frymëmarrje. Une e du saktë cka ndodhë me mu dhe cfarë simptoma mundem me pas. Pas 6 ditëve me simptoma në mars, kam rezultu pozitiv, dhe pas 3 mujve, une prape kontaktoj me Institutin për shkak të simptomave, nuk kam grip, unë po vazhdoj me bo teste prapë, unë prap ko me bo test me kontrollu cka po ndodhe me mu. Ajo cka është  e vërteta teorikisht tregon Luli , por unë pot regoj praktikisht po kam problem me frymëmarrje me ethe dhe temperatur, koll, dhe dhimbje të nyjeve kjo është e vërteta. Kam rezultu në testin e parë pozitiv, në testin të nesermën kam rezultu negtiv’’.