Plagosja e Dëfrimit/ Autori është identifikuar, policia nis kërkimin e tij
Dëfrim Kuqi, është plagosur para pak çasteve në lagjen ‘Dardania’ në Prishtinë.
Policia e Kosovës ka dalë në vendin e ngjarjes dhe ka siguruar lokacionin ku ka ndodhur plagosja dhe po merret me rastin. I dyshuar për këtë plagosje, sipas burimeve të IndeksOnline është Flamur Berisha i cili është shpallur në kërkim të Policisë.
Rasti është konfirmuar për IndeksOnline nga Policia Rajonale e Prishtinës.
“Sot rreth orës 11:00, policia ka marrë informatën për të shtëna me armë zjarri në lagjen ‘Dardania’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se nga një person është plagosur dhe i njëjti është dërguar për tretman mjekësor”, ka thënë Flora Ahmeti nga Policia e Kosovës.
Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar si dhe ndriçimin e plotë të rastit./IndeksOnline/