Presidenca: Rakiq përkrahë Petkoviqit kërcënon me “rezistencë dhe kryengritje” në Kosovë

Ditëve të fundit në veri të Mitrovicës, u është vënë zjarri disa veturave me targa RKS, si dhe ka pasur sulme ndaj zyrtarëve policorë.

Lidhur me këto raste, policia ka arrestuar M.B i cili dyshohet edhe për sulmin me armë ndaj Policisë së Kosovës ku mbetën të plagosur dy policë.

Si rezultat i këtyre zhvillimeve, zyrtarët e lartë shtetëror të Serbisë dhe udhëheqësit e Listës Serbe kanë paralajmëruar “rezistencë” nëse nuk lirohet M.B.

Ndaj këtyre deklaratave ka reaguar Blerim Vela, shefi i kabinetit të presidentes Vjosa Osmani.

Ai përmes një postimi në Twitter, ka shkruar se Rakiq po kërcënon me rezistencë dhe kryengritje.

“Kreu i Listës Serbe, Rakiq përkrahë Petkoviqit kërcënon me “rezistencë dhe kryengritje” në Kosovë. Megjithatë, asnjë fjalë dënimi nga Petkoviq për djegien e veturave të serbëve vendas! Serbia dhe Lista Serbe kërcënojnë me dhunë. Ata do të jenë përgjegjës për çdo përshkallëzim në terren”, ka shkruar Vela.

Formal head of SL Rakić, next to Petković, threatens with “resistance and uprising” in #Kosovo.

However, no word of condemnation from Petković on burning of cars of local Serbs!#Serbia and LS threatened with violence. They’ll be responsible for any escalation on the ground. pic.twitter.com/b6HiISGTbJ

— Blerim Vela (@Blerim_Vela) April 2, 2023