Presidenti Meta nderon kujtimin dhe sakrificat e Dëshmorëve të Atdheut

Presidenti i Republikës së Shqipërisë, Ilir Meta zhvilloi homazhe sot paradite në “Varrezat e Dëshmorëve”, ku vendosi një kurorë me lule duke u përulur me respekt para Monumentit të “Nënës Shqipëri”.

Presidenti i Republikës u shpreh para mediave të pranishme tha se ishte kënaqësi të takoheshim edhe me përfaqësuesit e familjeve të dëshmorëve.

“Natyrisht ata janë kaq të shumtë, por të gjithë bashkë i bashkon përjetësia në nderim të asaj që kanë bërë për çlirimin e vendit, për 29 Nëntorin, që e vendosi Shqipërinë në anën e drejtë të historisë. Dhe jo vetëm riktheu 28 Nëntorin, që humbën më 7 prill, por njëkohësisht edhe ka bërë të mundur që Shqipëria sot të jetë edhe anëtare e NATO-s, por pse jo, edhe të ketë një perspektivë shumë të mirë edhe për çeljen e negociatave për anëtarsimin në Bashkimin Evropian, pasi ishin ata që përcaktuan gjithashtu rrugën evropiane të Shqipërisë, ashtu sikurse edhe Heroi ynë Kombëtar, Gjergj Kastrioti Skënderbeu.”, ka thënë Meta./Indeksonline/