PSG plot me yje por vëmendjen po e marrin tensionet

PSG u bë një skuadër për tu lakmuar kur gjatë verës transferoi yje të nivelit botëror si Leo Messi, Sergio Ramos, Donnarumma apo edhe Ëijnaldum.

Por për kundër se ka një ekip yjesh, skuadra nga kryeqyteti francez më shumë u përfol për tensione sesa për ndonjë gjë të veçantë në fushën e lojës.

Marca ka bërë një analizë të disa nga tensionet që kanë mbretëruar në “Parc des Prines”, shkruan Indeksonline.

Porta

Një nga pengesat e para të sezonit erdhi kur Gianluigi Donnarumma arriti nga Ac Milan, pavarësisht se Keylor Navas ishte tashmë i pranishëm në klub.

Keylor e pranoi këtë sfidë në një mënyrë sportive dhe të dy lojtarët vendosën të nënshkruajnë një pakt për të garuar për vendin e startuesit, ndërsa stafi stërvitor dëshironte të ndërronte çiftin çdo tre ndeshje.

Këtu filluan problemet me shoqërinë e Donnarummas që filloi të vinte publikisht në pikëpyetje strategjinë e Pochettinos.

Rinovimi i Mbappes duket më i largët se kurrë

Gazeta përshkruan një ndarje të qartë në kamp midis lojtarëve francezë dhe yjeve të Amerikës së Jugut, dhe gjithashtu se si kjo po ndikon në vazhdimësinë e Mbappe.

Mungesa e stabilitetit në dhomën e zhveshjes nuk po e bindë Mbappen të qëndrojë me klubin dhe ai nuk po mendon të rinovojë në këtë pikë.

Qëndrimi i Neymar

Qëndrimi i Neymar tashmë është vënë në pikëpyetje në fillim të sezonit, me brazilianin që nuk konsiderohet plotësisht i kënaqur me rolin e tij të ri brenda skuadrës.

Ai nuk u paraqit në një ceremoni të detyrueshme nënshkrimi me disa nga sponsorët e klubit, gjë që zemëroi drejtuesit e PSG deri në atë pikë sa u konsideruan sanksione të rënda kundër brazilianit.

Ahengje… me leje

Një tjetër nga problemet në dhomën e zhveshjes së klubit parizian janë privilegjet e ndryshme të njohura mes disa lojtarëve dhe të tjerëve.

Në raport, dy lojtarë të paidentifikuar të Amerikës së Jugut dolën në seancën stërvitore të klubit dukshëm të lodhur pasi kaluan natën e mëparshme duke ndenjur, dhe të dy refuzuan të fillonin punën pa pritur miratimin e stafit stërvitor.

Pasi Messi fitoi Topin e Artë, ai rezervoi një klub të zgjedhur për të festuar dhe disa nga shokët e tij morën pjesë, por të nesërmen Messi dhe Leandro Paredes humbën stërvitjen për shkak të simptomave të gastroenteritit, gjë që mërziti kolegët e tyre të cilët kërkuan një përgjigje më të fortë nga Pochettino dhe Leonardo .

Çështja Icardi-Wanda

Në fund të tetorit, Mauro Icardi kërkoi tre ditë pushim për të shpëtuar martesën e tij pasi Wanda Nara kërkoi divorc.

Klubi e pranoi atë kërkesë që shkaktoi trazira të shtuara te lojtarët. /IndeksOnline/