Qytetarët e Kosovës 2 minuta errësirë për të pagjeturit!

Qytetarët e Kosovës i kanë fikur dritat për dy minuta në ora 21:00, kjo si shenjë solidariteti për përsonat e pagjetur.

Kësaj nisme e cila është bërë me rastin e 27 prillit Ditës së të Pagjeturve, i është bashkuar edhe i pari i komunës së Prishtinës, Shpend Ahmeti.

“Edhe ne ju bashkangjitëm fikjes së dritave për të shënuar ditën kombëtare të personave të pagjetur nga lufta e fundit në Kosovë.”, ka shkruar ai në llogarinë e tij në Facebook.

Përmes kësaj nisme qytetarët për dy minuta kanë bashkëndjerë  dhimbjen me  familjarët e atyre që kanë humbur më të dashurit e tyre. /Indeksonline/