Ramadani: Procesi i tranzicionit të FSK-së legjitim dhe gradual
Zëvendësministri i Ministrisë së FSK-së , Burim Ramadani së bashku me komandantin Rrahman Rama dhe këshilltari ushtarak i komandantit kolonel Jeton Dreshaj, po zhvillojnë në një vizitë zyrtare në Slloveni rreth Kampanjës informuese për tranzicionin e FSK-së.
Ata janë pritur nga Ales Mismas, drejtor për Politika në Ministrinë e Mbrojtjes të Sllovenisë ku edhe kanë folur rreth bashkëpunimit por edhe kontributin në sigurinë rajonale që mund të ofrojë transicioni i FSK-së.
Kështu ka thënë në një postim në llogarinë e tij në “Facebook”, ministri i FSK-së Burim Ramadani duke theksuar se procesi i transformimit është legjitim dhe proces gradual.
“Vazhdon dokumentimi, informimi dhe bashkëpunimi.
Transicioni i FSK-së do të kontribuojë në sigurinë rajonale, duke bërë Kosovën ofrues të sigurisë dhe jo vetëm konsumues të saj.
Transicioni i FSK-së është proces legjitim dhe proces gradual, transparent dhe i qëndrueshëm.
Në takim në Ministrinë e Mbrojtjes së #Sllovenisë me Aleš Mišmaš, drejtor i Politikave” ka shkruar Ramadani në postimin e tij./Indeksonline/