Ramush Haradinaj e kujton me fjalë të mëdha heroin e kombit, Adrian Krasniqin
Ramush Haradinaj e ka kujtuar heroin e kombit, Adrian Krasniqin në përvjetorin e 22-të të vrasjes së tij.
Të guximshëm, të dashur dhe me të gjitha tiparet e heroit, e ka vlerësuar Haradinaj djaloshin që ia fali jetën atdheut.
“Ishe student i dalluar po aq sa edhe luftëtar.
Gjithmonë besove në liri, për të cilën dhe u përjetësove 22 vjet më parë, duke i prirë karvanit të dëshmorëve të Pejës.
Ishe i dashur, i guximshëm me të gjitha tiparet e heroit. Ashtu do të mbetesh në kujtimin tonë dhe të brezave që vijnë Adrian Krasniqi, hero dhe gjeneral.
Duke u përulur para veprës sate madhore, krenohem që u njohëm bashkë në ditët e lavdisë. Kombi që ka njerëz si ti, ka të ardhme të ndritur.
Lavdi e përjetshme!”, shkruan Haradinaj në njoftim.