Reagimi i Fatime Ramabajës, pasi ia dënuan me 5 vjet burgim bashkëshortin!

Bashkëshortja e të akuzuarit në rastin “Syri i popullit” Sadri Ramabaja, Fatimja ka thënë para mediave se “Klani Pronto” e realizoi planin e vet.

Gruaja e Sadri Ramabajës i ka thënë këto deklarata pas shpalljes së vendimit nga Gjykata Themelore e Prishtinës për rastin “Syri i popullit”, ku u dënua me 5 vjet burgim.

Njësoj ka thënë edhe avokati i tij Ramiz Krasniqi, i cili tha se sot u vërtetua se “Klani Pronto”  ka gisht në këtë proces dhe asnjë provë deri tani nuk është vërtetuar.

Përveç Ramabajës në këtë rast janë dënuar edhe Avni Llumnica me 12 vjet burgim,  Ragip Sallova, 4 vjet, Bajrush Konjusha, 3 vjet, Halim Halimi, 3 vjet, Rexhep Toplana me 2 vjet dhe Behxhet Luzha me 2 vjet burgim.

Ndërsa Murat Jashari është dërguar për 10 vjet në trajtim të detyrueshëm psikiatrik.