11:59 / E Mërkurë, 22 Janar 2020

Reagon PDK-ja: Vetëvendosje krijoi dhe e frymëzoi “Syrin e popullit”

Partia Demokratike e Kosovës ka thënë se Lëvizja Vetëvendosje krijoi dhe e frymëzoi grupin terrorist “Syri i popullit”, me qëllim për të eliminuar kundërshtarët  politikë.

PDK-ja e ka dënuar fuqishëm përfshirjen e Lëvizjes Vetëvendosje, ku dhe ka kërkuar distancimin e tyre nga grupet terroriste.

“Institucionet e Kosovës dëshmuan edhe njëherë fuqinë dhe profesionalizmin për të parandaluar, kapur dhe dënuar një grup të terroristëve, të cilët kishin ndërmarrë një tenttativë vrasjeje dhe po planifikonin të vrisnin kundërshtarët politikë ku në listat e tyre të ekzekutimit figuronin udhëheqës shtëtërorë, figura të partive politike dhe personalitete publike”.

“Partia Demokratike e Kosovës e dënon fuqishëm përfshirjen e Lëvizjes Vetëvndosje, e cila me qëllime dashakeqe krijoi, frymëzoi dhe shtyri këtë grup terrorist për të eliminuar kundërshtarët  politikë. PDK-ja kërkon nga Lëvizja Vetëvendosje që të distancohet nga ky grup terrorist”, thuhet në komunikatën e tyre.

Dënimi i organizatës terroriste “Syri popullit” është një lajm i mirë për qytetarët, drejtësinë dhe sigurinë në Kosovë.