Rezultatet e pjesës së parë e bëjnë Feronikelin kryesues të Superligës
Ka përfunduar pjesa e parë në dy ndeshjet e fundit të javës së 18-të të Superligës së Kosovës.
Feronikeli është në epërsi prej dy golash në “Përparim Thaqi” në ndeshjen kundër Lirisë.
Golat në pjesën e parë i shënoi Kastriot Rexha në minutën e shtatë dhe në minutën e 44-të, shkruan Indeksonline.
Ndërsa në ndeshjen tjetër, Flamurtari është duke fituar me rezultat 2-0 kundër Prishtinës.
Golin e parë për kuq e zinjtë e shënoi Shillova në minutën e 31-të ndërsa dyfishoi Egzon Krasniqi në minutat shtesë.
Këto rezultate e bëjnë Feronikelin kryesues të Superligës me 42 pikë, dy më shumë se Prishtina. /IndeksOnline/