Rita Ora e konfirmon edhe vetë: Kosovë po vi, jam shumë e emocionuar

Ora ka treguar se do të këndojë në një koncert të organizuar nga Shteti, për 10-vjetorin e Pavarësisë së Kosovës.

“Përshëndetje të gjithëve. Jam shumë e lumtur që do t’ju bashkohem të gjithë juve në Kosovë, për ta kremtuar përvjetorin e 10-të të pavarësisë”, ka shkruar Rita Ora në llogarinë e saj zyrtare në Instagram.

“Shihemi së shpejti. Ju do Rita”, ka shkruar më tej këngëtarja në rrjetin social.

Kujtojmë se në po të njëjtin koncert do të performojë edhe artisti i repit, Ledri Vula. / Indeksonline/