S.C Gjilani që disa ditë i ka bërë testet por ende nuk i ka marrë rezultatet nga IKShPK
Skuadra e Gjilanit ka treguar se që disa ditë ka bërë testet për koronavirus por ende nuk i ka marrë rezultatet.
Përmes një komunikate ata kanë thënë se janë në pritje të rezultatet dhe kanë kërkuar nga mediat që të kenë kujdes me publikimin e informacioneve, transmeton Indeksonline.
Komunikata e plotë:
KOMUNIKATË ZYRTARE
Sport Club “Gjilani” konfirmon se ka kryer testet e futbollistëve dhe stafit për Covid-19, disa ditë më parë por ende nuk ka marrë rezultatet nga Instituti Kombëtar i Shëndetësisë Publike.
Për derisa jemi në pritje të rezultateve ftojmë mediat dhe opinionin që të kenë kujdes në publikimin e informacioneve lidhur me këtë çështje.
Zyra e klubit mbetet e hapur për të ju përgjigjur çfarëdo informacione që shtypi ka nevojë të dijë për klubin dhe skuadrën në përgjithësi.